Politika e Privatësisë

Tako është një platformë për rezervime online në sallone, berberë, klinika estetike dhe spa në Tiranë. Kjo politikë shpjegon cilat të dhëna mbledhim, pse, dhe çfarë të drejtash ke.

• Emailin, që përdoret për hyrjen. Nëse hyn me Google ose Apple, marrim prej tyre emailin dhe, nëse e ndan, emrin.
• Emrin dhe numrin e telefonit, që i jep vetë para rezervimit të parë.
• Rezervimet: biznesi, shërbimi, personi, data, ora, çmimi dhe shënimi yt, nëse shkruan një.
• Vlerësimet që shkruan pas një vizite: yjet dhe komentin.
• Bizneset që ruan te të preferuarat.
• Në aplikacion, nëse lejon njoftimet: një kod që i dërgon njoftimet te telefoni yt.
• Vendndodhjen tënde, vetëm nëse e lejon: në faqe kur zgjedh “Pranë meje”; në aplikacion sa kohë që “Lejo vendndodhjen” është e ndezur te Cilësimet, ku e lexojmë sa herë hap aplikacionin. E përdorim vetëm për të renditur bizneset sipas largësisë dhe nuk e ruajmë. Mund ta fikësh në çdo kohë.
• Për bizneset: emrin, adresën dhe pikën në hartë (publike), telefonin, shërbimet, stafin dhe oraret e punës. Pronari mund ta vendosë pikën edhe me vendndodhjen e telefonit; ruajmë vetëm pikën që ai ruan.

Për të bërë dhe menaxhuar rezervimet: që biznesi të dijë kush vjen dhe të të kontaktojë nëse ndryshon diçka, dhe që ti të shohësh e anulosh rezervimet e tua. Vlerësimet ndihmojnë klientët e tjerë të zgjedhin; të preferuarat dhe njoftimet janë vetëm për ty. Nuk i shesim të dhënat dhe nuk dërgojmë reklama.

Biznesi ku rezervon sheh emrin, telefonin dhe shënimin tënd për atë rezervim. Asnjë biznes tjetër nuk i sheh. Vlerësimet janë publike: kushdo sheh yjet, komentin dhe emrin tënd të shkurtuar (p.sh. “Elena K.”), por jo emailin, telefonin apo llogarinë tënde. Të preferuarat i sheh vetëm ti.

Këta furnitorë i përpunojnë të dhënat vetëm për llogari të Tako:

• Supabase: baza e të dhënave, hyrja dhe emailët e hyrjes, me serverë në Bashkimin Evropian.
• Vercel: hostimi i faqes.
• Mapbox: harta. Sheh adresën IP dhe zonën e hartës që shikon; në faqe ruan në shfletues një numër anonim për të numëruar përdorimin.
• Expo dhe Apple: njoftimet në telefon, me emrin e shkurtuar, shërbimin dhe orën e rezervimit.
• Google dhe Apple: hyrja, vetëm nëse zgjedh të hysh me to.

Sa kohë ke llogari. Kur e fshin llogarinë, emri, telefoni dhe emaili yt fshihen, bashkë me të preferuarat dhe kodet e njoftimeve. Rezervimet mbeten te biznesi pa asnjë të dhënë që të identifikon, sepse janë pjesë e regjistrave të tij. Vlerësimet e tua mbeten, me emrin “Anonim”.

Mund t'i shohësh dhe ndryshosh të dhënat e tua, ose ta fshish llogarinë në çdo kohë, te Llogaria. Ke edhe të drejtat e tjera që të jep legjislacioni shqiptar për mbrojtjen e të dhënave personale.

Për çdo pyetje mbi privatësinë, na shkruaj në Instagram @takoapp.al.